Halmashauri ya Wilaya ya Masasi imeundwa chini ya Sheria za Serikali za Mitaa Sura namba 287 ya Mwaka 1982 kama ilivyofanyiwa marekebisho mwaka 2002. Katika kutekeleza majukumu yake, Halmashauri ya Wilaya Masasi kupitia kitengo cha Sheria pamoja na kusimamia matakwa ya sheria ya mwaka 1982 sura namba 287, pia inasimamia utekelezaji wa Sheria mbalimbali zilizotungwa na Bunge la Jamhuri ya Muungano wa Tanzania pale inapobidi.
MAJUKUMU YA KITENGO CHA SHERIA:
Yafuatayo ni baadhi ya majukumu ya Kitengo cha Sheria:
Kusimamia mambo yote ya kisheria yanayohusu Halmashauri ya Wilaya Masasi.
Kuwakilisha Halmashauri kwenye mashauri mbalimbali Mahakamani.
Kuyasimamia mabaraza yote ya kata katika kutekeleza majukumu yake ya kila siku ili yaweze kutoa haki ili kudumisha amani.
Kuandaa, kutafsiri na kusimamia utekelezaji wa Sheria Ndogo ndani ya Halmashauri.
Kuandaa, kusimamia, upitishwaji na kuhakikisha kutengenezwa kwa Sheria Ndogo za Vijiji katika Halmashauri.
Kutoa msaada wa kisheria bure kwa watu wote ndani ya Halmashauri ya Wilaya ya Masasi.
Kwa kupitia Idara na vitengo vingine ndani ya Halmashauri, na taasiosi nyingine za kiserikali na zisizo za kiserikali, kudumisha amani na upendo katika maeneo yote ya Halmashauri.
Kusimamia na kuwashauri kisheria watoa huduma za kisheria (paralegals).
MWISHO:
Wananchi wote wanakaribishwa ofisi ya sheria Halmashauri ya Wilaya ya Masasi kwa ajili ya kupata ushauri wa kisheria.
Ahsante,
Imeandaliwa na:
Joshua Sanga (ADVOCATE)
MKUU WA KITENGO CHA SHERIA
HALMASHAURI YA WILAYA YA MASASI
S.L.P. 60
MASASI.
MABARAZA YA KATA KAMA CHOMBO CHA UTATUZI WA MIGOGORO.
Moja ya wajibu wa msingi wa serikali za mitaa kama ulivyoanishwa katika kifungu cha 113 (1) (a) cha Sheria ya Serikali za Mitaa (Mamlaka za Wilaya) Sura 287 Rejeo la la 2002 ni:-
“Kudumisha na kuwezesha uendelezaji wa amani na utengamano na utawala bora katika eneo lake.”
Katika kutekeleza wajibu huu muhimu, serikali imeanzisha mabaraza ya kata katika maeneo yote ya Halmashauri. Mabaraza ya kata yamweanzishwa chini ya kifungu cha 3 cha Sheria ya Mabaraza ya kata Sura 206 Rejeo la 2002.
Kwa mujibu wa sheria hiyo ya mabaraza ya kata, kila kata itakuwa na baraza moja la kata, lakini waziri wa Seruikali za Mitaa anaweza kuanzisha mabaraza ya kata mawili katika kata moja.
Wajibu wa mabaraza ya kata
Kuimarisha amani na utengamano katika eneo lake la kazi, kuhakikisha migogoro inatatuliwa kwa njia za mazungumzo na kukubaliana. Kwa hiyo, ni muhimu Sana mabaraza ya kata yahimize na kutatua migogoro kwa njia ya mazungumzo, ikishindikana ndipo nyingine za utatuzi ziweze kuchukuliwa.
Kuendesha kesi za madai na jinai. Aina ya kesi zitakazoshughulikiwa na mabaraza ya kata zimeonyeshwa katika nyongeza ya sheria ya mabaraza ya kata.
Kuendesha usuluhishi wa migogoro ya ndoa. Wajibu huu unawekwa na Sheria ya Ndoa, Sura 29 Rejeo la 2002, kwamba baraza la kata kuwa kama bodi ya usuluhishi wa migogoro ya ndoa.
Kushughulikia migogoro ya ardhi ambayo thamani yake haizidi Tshs. 3, 000, 000/=. Wajibu huu unawekwa na Sheria ya Mahakama ya Migogoro ya Ardhi, Sura 216 Rejeo la 200
Kushughulikia sheria ndogo za Halmashauri na Vijiji (vilivyo ndani ya kata hiyo).
Kufanya kazi kama yatakavyoruhusiwa na sheria nyingine yoyote itakayotungwa na Bunge.
