Afya na Ustawi wa Jamii

IDARA YA AFYA, USTAWI WA JAMII NA LISHE

1.0 Utangulizi

Idara ya Afya Ustawi wa Jamii na Lishe ni moja ya idara 13 zilizopo katika Halmashauri ya Wilaya ya Masasi.Malengo makuu muhimu ya idara ni kutoa huduma za afya na tiba pamoja na huduma za ustawi wa jamii kwa  wana Masasi. Idara ina jumla ya watumishi 160 wa kada tofauti, hii ni sawa na asilimia 39.50 % ya jumla ya watumishi wote wanaohitajika ambao wamegawanyika katika kada ifuatavyo;- Daktari- 2, Katibu wa afya-1, Daktari Msaidizi-3,Mtaalam wa maabara 1,Mteknolojia maabara msaidizi 2, Afisa lishe 1,Afisa Ustawi wa Jamii-1, Afisa tabibu-14, Afisa tabibu msaidizi 17,Afisa afya 1,Afisa afya msaidizi 7,Afisa Muuguzi 2,Afisa muuguzi msaidizi 19,Wauguzi 37,Wahudumu wa afya 41,Wahudumu wa afya maabara 5, Fundi sanifu  msaidizi dawa-1,Fundi sanifu msaidizi maabara-3,Tabibi meno-1.

HUDUMA ZA TIBA                               

Halmashauri ina jumla ya vituo vya kutolea huduma 47, Huduma zitolewazo ni huduma za wagonjwa wa nje, Huduma za maabara, Huduma za matibabu na matunzo kwa watu wenye VVU, Huduma za ushauri Nasaha, Huduma za uchunguzi na vipimo, Huduma za mama na mtoto. Halmashauri ya wilaya ya Masasi ina Jumla ya vituo 47 vya kutolea huduma za afya. Mgawanyo wa vituo vituo hivyo umeambatanishwa:- Halmashauri ya Wilaya ya Masasi ina Vituo 47 vya kutolea huduma za Afya zifuatavyo:-

JEDWALI 1:

Aidha orodha ya majina ya vituo vya kutolea huduma za afya pamoja na umiliki wake ni kama ifuatavyo:-

Huduma za Kinga

Katika Halmashauri ya Wilaya ya Masasi inatoa huduma muhimu za kinga katika vituo vya kutolea huduma za afya na ngazi ya jamii.Huduma za kinga zitolewazo ni huduma za chanjo,huduma za usafi wa mazingira, ufuatiliaji wa magonjwa yanayotolewa taarifa, huduma za lishe,huduma za kuwarudisha wagonjwa katika hali ya awali na huduma za ustawi wa jamii. Huduma za chanjo zinatolewa katika vituo 42 vya kutolea huduma za afya na pia huduma hizo zinapatikana  kupitia huduma za mkoba ambayo hutolewa katika maeneo 16.

Uhifadhi wa taka ngumu na taka maji ni muhimu sana katika suala zima la la kuzuia magonjwa ya mlipuko. Katika jamii. Asilimia kubwa ya taka ngumu katika ngazi ya vijiji zinahifadhiwa kwa njia ya vyoo, Halmashauri ina jumla ya  kaya 89,538 ,zenye vyoo vya muda 62,538, zenye vyoo bora 20,443, na kaya zisizo na vyoo 6,391.

Utoaji wa huduma za lishe unasaidia kujenga jamii yenye  kinga thabiti ambayo kwa kiasi kikubwa inazuia mwili kupatwa na magonjwa.Huduma za utoaji wa matone ya  Vitamini A na dawa za minyoo zinafanyika chini ya mwamvuli wa kitengo cha lishe.

Usafiri na mawasiliano

Idara ya Afya Ustawi wa Jamii na lishe ina jumla ya magari 3 na pikipiki…….,magari hayo yote matatu yanatembea. Pamoja na kuwa na magari hayo machache, Halmashauri haina magari ya kubebea wagonjwa, hali hii inapelekea kuwa na tatizo kubwa katika suala zima la rufaa ya wagonjwa.

VITENGO MBALIMBALI VILIVYOPO KATIKA IDARA YA AFYA USTAWI WA JAMII NA LISHE

1. Kitengo cha lishe

Kama Afisa lishe katika halmashauri anawajibika na kuhakikisha kuwa watoto, Vijana,Wanawake na Wanaume katika jamii wana lishe bora inayowapelekea kuwa na afya bora kwa ajili ya uzalishaji wenye tija utakaochangia kukuza uchumi na maendeleo endelevu lengo hili pia itafanikiwa  kwa kufanya mambo yafuatayo;

• Kufanya usimamizi elekezi na shirikishi katika vituo vya kutolea huduma za Afya kuhusu maswala ya lishe kama matibabu ya utapiamlo kwa watoto waliochini ya miaka mitano na utoaji wa nyongeza ya virutubishi (Vitamini .A na Madini chuma)
• Kutoa elimu ya lishe katika jamii (utumiaji wa chumvi yenye madini joto)
• Kupokea maelekezo yanayohusiana na maswala ya lishe kutoka ngazi ya mkoa pale yanapoletwa.
• Kuchambua takwimu za lishe za mwezi, robo na mwaka.
• Kutoa taarifa za mara kwa mara za hali ya lishe katika ngazi ya wilaya

2.  Kitengo cha Ustawi wa Jamii 

Kusuluhisha migogoro mbambalimbali ya nayohusu

                  malezi  ya watoto

                  ndoa zenye migogoro

                  watu waliodhulumiwa

      kutelekezwa

Kusaidia watu wenye matatizo ya kiafya (wasio jiweza ) kuwapatia rufaa za kimatibabu katika hospitali ,vituo vya afya  zahanati mbalimbali za serikari

kuhakikisha wazee wenye umri wa miaka 60+ wanapata huduma za afya zilizo bora  kupitia  mfuko wa afya ya jamii (CHF),Kwa kuwapatia kadi

kusaidia watoto waliokinzana na sheria

kunda mabaraza ya wazee na watotokwa ngazi ya halmashauri ,kata na vijiji

kuunda kamati za watu wenye ulemavu na kamati za kutokomeza ukatili dhidi ya wanawake na watoto.

kubaini  na kuandaa orodha ya watu wenye mahitaji maalumu na kusaidia  kuwapatia misaada mbalimbali.

kushughulikia maswala ya kiunyanyasaji wa kijinsia wanaofanyiwa wanawake na watoto kwa kuwapatia msaada wa kisheria .

3. Kitengo cha mfuko wa taifa wa bima ya afya (NHIF). 

Usimamizi shirikishi kwa vituo 43 vinavyo huduma za afya vilivyoingia mkataba na Mfuko wa Taifa wa Bima ya Afya (NHIF).

Kuingiza madai yaliyopokelewa kila mwezi kwenye mfumo wa kieletroniki kwa kila siku (E-Claims).

Kuwapatia watoa huduma fomu za madai ya Mfuko wa Taifa wa Bima ya Afya (NHIF) kwaajili ya kwenda kutoa huduma kwa wanachama.

Kushughulikia fomu za wanachama wapya wanaojiunga na wale waliopoteza kadi zao na wenye matatizo mbalimbali yanayohusu NHIF.

Kuwapatia kadi mpya zilizotengenezwa kwa wanachama walioomba kadi.

Kuwapatia elimu ya Mfuko wa Taifa ya Bima ya Afya kwa wanachama wapya na wanaokuja kila siku kuchukuwa fomu za kujiunga.

Kusikiliza na kutatua matatizo ya wanachama kila siku.

4. Kitengo cha mfuko wa afya ya jamii (CHF)

Kitengo cha Mfuko wa Afya ya Jamii ni kitengo KIlichoanzishwa kwa sheria Na. 1 ya mwaka 2001, kikiwa na lengo la kutoa huduma bora kwa Wananchi wasio katika ajira rasmi na kupunguza mzigo wa gharama za matibabu kwao.

Mfuko wa Afya ya Jamii CHF unatoa huduma kwa watu 6 ( Mkuu wa Kaya 1 na Wategemezi 5) toka katika Kaya  moja kwa Mwaka 1 ambapo kila mkuu wa Kaya huchangia Shilingi 10,000/ .

Halmashauri ya Wilaya ya Masasi mpaka Machi, 2018 ina jumla ya Kaya Hai (Zilizolipia huduma kwa Mwaka 1) 19,086  kati ya kaya  68,887  sawa na asilimia 27.71   Halmashauri ina jumla ya  wanufaika 99,358 kati ya  264,765 sawa na asilimia 37.53.

5.  Kitengo cha Mfuko wa Afya ya Jamii

Usimamizi shirikishi kwa vituo 33 vya Serikali vinavyotoa huduma za afya kwa Kadi.

Kupokea taarifa za mwezi toka katika vituo 33 vya Afya vya Serikali kuzichambua na kuziwasilisha katika vikao vya Kisheria vya Halmashauri na Wilaya na Mkoa.

kuandaa na kufanya mikutano ya ushawishi kuhimiza jamii kujiunga na Mfuko wa CHF kwa kushirikana na Maafisa Watendaji wa Kata na Vijiji, Waganga wafawidhi wa Zahanati, Wadau wa Maendeleo na wananchi.

Kushughulikia  usajili wa wanachama wapya wanaojiunga na kuwapatia kadi na wale wenye matatizo mbalimbali yanayohusu CHF.

Kutoa elimu ya Mfuko wa Afya ya Jamii (CHF) kwa wanachama wapya na jamii katika mikutano ya Hadhara.

Kusimamia mapato na matumizi yote katika mfuko wa Afya ya Jamii (CHF).

6. Kitengo cha Afisa Afya

• Kukagua na kufuatilia usafi wa mazingira katika: -

• Nyumba za kuishi – uwepo wa vyoo na utupaji wa takataka ,Nyumba za biashara , Vyoo
• Usafi, Watumishi waliokizi vigezo vya afya ,Taasisi kama vile Shule za Msingi na Sekondari ,Vyuo ,Ofisi mbalimbali ,Vituo vya huduma za Afya
• Kufanya zoezi la usimamizi shiriki kwenye vituo vya kutolea huduma za afya.
• Kukagua na kupitisha ramani za majengo
• Ukaguzi wa viwanda vya kutengeneza vyakula kama vile viwanda vya maji, viwanda vya kusindika nafaka.
• Kusimamia utekelezaji wa shughuli za kuzuia maambukizi katika vituo vya kutole huduma za afya.
• Kusimamia na kudhibiti uchafuzi wa mazingira utokanao na shughuli za kibinadamu kama vile moshi utokanao na uchomaji moto ovyo.
• Kuhamasisha jamii juu ya udhibiti wa wadudu wadhurifu na waenezao magonjwa.
• Kufuatilia na kudhibiti magonjwa ya milipuko ukiwemo ugonjwa wa kipindupindu
• Kusimamia na kuhakikisha shighuli za ujenzi anafuata maelekezo ya mipango miji
• Kufanya ukaguzi kwenye vyanzo vya maji
• Kufuatilia afya za wafanya kazi katika maeneo ya kazi

7. Kitengo cha Famasi

Kitengo cha Famasi ni kitengo kimoja kati ya vitengo vilivyopo katika Idara ya Afya, ni kitengo kinachojishughulisha na uagizaji, utunzaji, usambazaji na usimamizi wa mfumo wa ugawaji dawa, vifaa tiba vitendanishi na vifaa vya Hospitali.

Malengo

Kuhakikisha Dawa, Vifaa tiba na Vitendanishi vinapatikana wakati wote katika vituo vya kutolea huduma za Afya.

Majukumu ya kitengo

• Kuwasilisha taarifa na maombi (R&R) za vituo vyakutolea huduma za afya na R&R ngazi ya Halmashauri kwa wakati.
• Kupokea na kutunza dawa,vifaa tiba na vitendanishi vinavyopokelewa ngazi ya Halmashauri.
• Kusambazaa, vifaa tiba na vitendanishi katika vituo vya kutolea huduma za Afya.
• Kufanya usimamizi shirikishi na ukaguzi wa store za dawa za vituo vya kutolea huduma za afya ili kuhakikisha uwajibikaji kazi.
• Kupokea maombi ya maduka ya dawa  muhimu na kufanya ukaguzi.

Ratiba ya utoaji wa majukumu ya kitengo

• Kila mwezi kuanzia 1-5 kusambaza /kugawa dawa za miradi  msonge kwa vituo vinavyohusika.
• August, Novemba, Januari na Mei tarehe 6-14 kuandaa na kuingiza kwenye mfumo R&R za mradi msonge ngazi ya Halmashauri.
• August, Novemba, Januari na Mei tarehe 15-21 kuingiza R&R kwenye mfumo wa kuidhinisha maombi hayo kwenye mfumo.
• August, Novemba , Januari na Mei tarehe 22-30 kuhakiki ubora wa taarifa ngazi ya vituo.
• Baada ya mwezi mmoja toka tarehe ya kuwasilisha fomu za R&R kwenye mfumo  upokeaji wa shehena kutoka  MSD kwa shehena za mradi msonge.
• Miezi iliyobaki kuanzia tarehe 6-30 ya kila mwezi ni kufanya ziara za usimamizi wa vituo vya kutolea huduma za Afya na DLDM kufanya ukaguzi na kuandaa taarifa muhimu za ukaguzi.

8. Kitengo cha maabara

• Kuendesha zoezi la uwamasishaji wa upatikanaji wa damu salama katika Shule za Sekondari, Jamii na katika madhehebu ya Dini
• Kuhakikisha damu salama zinapatika katika vituo vya kutolea huduma wakati wote
• kuhakikisha vitendanishi, vifaa, na vifaa tiba vinavyo hitajika vinapatikana muda wote
• Kufanya usimamizi shirikishi katika vituo vya kutolea huduma za afya na kuwajengea uwezo watumishi wanao toa huduma za afya
• Kufanya usimamizi shirikishi kwa ajili ya kuwajengea uwezo wa kufanya maoteo sahihi ya vitendanishi, vifaa tiba na vifaa
• Kuhakikisha utoaji na upimaji wa vipimo vya maabara unafanyika kwa usahihi
• Kuandaa na kutuma ripoti za kitengo cha maabara zinazo hitajika