WANAMASASI WAICHANGIA TIMU YA NDANDA FC

Posted on: November 29th, 2018

Mkuu wa Wilaya ya Masasi  Mhe. Selemani Mzee  ameendesha Harambe ya kuichangia timu ya ndanda kama jitihada za kuisaidia timu  hiyo kiuchumi ili iweze kuendelea na mashindano ya ligi kuu  yanayoendelea

Harambe hiyo imejumuisha wadau wote wa michezo wakiwemo wafanyabiashara , wapenzi wa michezo, watumishi na wananchi wa kawaida kuichaingia timu hiyo ambapo kwa sasa haiko vizuri kimapato.

Akiongea katika Harambe hiyo jana,  Mkuu wa Wilaya hiyo Mhe. Selemani Mzee  alisema kuwa kuwa  “Timu ya ndanda ni timu tuliyoianzisha wenyewe na imekuwa na mafanikio makubwa, hivyo hatuna budi kuiwezesha ili iendelee kutuletea sifa katika wilaya yetu na mkoa kwa ujumla”

 Uchangiaji utafanyika kwa kuchukua kitabu cha risiti chenye jumla ya risiti 50 na kiwango cha chini cha kuchangia ni shilingi 50,000. Masasi inatarajia kugawa vitabu 50 ambapo kila kitabu itatakiwa kukusanya kuanzia 500,000.

“Watu wa masasi nawakubali hatutashindwa kukusanya shilingi 25,0000,000 kwa vitabu 50 tunavyotarajia kuvigawa kwa wadau mbalimbali” alieleza Mkuu wa wilaya.