UWEPO WA MADINI YA UJENZI WAVUTIA WAWEKEZAJI MASASI DC

Posted on: August 19th, 2020

Mkurugenzi  Mtendaji wa Halmashauri ya Wilaya ya Masasi   Bibi Changwa Mkwazu akiwa na  baadhi ya wakuu wa idara amekutana na kufanya kikao  cha awali na mwekezaji “Malaika Construction Company”  anayetarajia kuwekeza katika  vitalu vya uchimbaji wa madini ya ujenzi vinavyomilikiwa  na halmashauri hiyo  katika kijiji cha chipite.

Baada ya kikao hicho  kilichofanyika leo tarehe 19.08.2020 kwa pamoja wamekubaliana kuwa uwekezaji huo utakuwa ni wa mkataba  kati ya Halmashauri ya Wilaya ya Masasi  na kamuni ya ujenzi ya Malaika “Malaika Construction  company” ambapo halmashauri  itaendelea kuwa mmiliki wa vitalu hivyo na itapata faida si zaidi ya asilimia 40  kwa kuwa   mwekezaji atatekeleza majukumu mengi zaidi .

  Aidha katika mkataba huo  mwekezaji atawajibika kutoa gharama zote za uendeshaji  ikwemo kuweka mitambo na nguvu kazi pamoja na kuwajibika na mashariti mengine ya kimkataba ikiwemo kuwa na mkakati wa kutunza mazingira, na kushirikiana na jamii katika shughuli za maendeleo.

Pia Mkwazu ameeleza kuwa, mpaka sasa Halmashauri inawawekezaji watatu wanaofanya kazi ya uchakataji  wa madini ya ujenzi katika vitalu vinavyomilikiwa na watu tofauti kwenye  eneo la chipite kata ya nanganga, huku Halmashauri ikiwa na umiliki wa vitalu 6 pekee

"Uwekezaji unaofanyika kwenye madini ya ugenzi unachangia kwa kiasi kikubwa kuongeza mapato anayofanikisha  uendeshaji wa shughuli mbalimbali ikiwemo uteelezaji wa miradi ya maendeleo, nitumie fursa hii kuwa karibisha wawekezaji wengine kuja kuwekaza katika Halmashauri yetu kwani maeneo ya uwekezaji bado ni mengi sana" ameeleza Mkwazu.

Madini ya ujenzi yanayozalishwa katika vitalu vya  eneo la Chipite hususani kokoto zimethibishwa kuwa ni zenye ubora wa kiwango cha juu na zinafaa sana kwenye ujenzi wa miradi mbalimbali ikiwemo viwanja vya ndege, barabara na majengo makubwa.