BARAZA LA MADIWANI LA HALMASHAURI YA WILAYA YA MASASI LAMPONGEZA MHE. RAIS DKT JOHN POMBE MAGUFULI

Posted on: November 22nd, 2018

Baraza la Madiwani la Halmashauri ya Wilaya ya Masasi kwa niaba ya wananchi, limempongeza Mhe Rais wa Jamuhuri ya Muungano wa Tanzania Dkt John Pombe Joseph Magufuli  kwa maamuzi yake ya  kununua korosho za wakulima  kwa bei ya shilingi 3,300 baada ya minada  ya kuuza zao hilo kusuasua.

“Sisi kama Baraza la  Madiwani la Halmashauri ya Wilaya ya Masasi kwa niaba ya wananachi wetu, tunachukua nafasi hii kumpongeza Mheshimiwa Rais wa jamuhuri ya muungano wa Tanzania Dkt John Pombe Joseph Magufuli  kwa maamuzi yake ya kulinusuru zao la korosho kutokana na wafanyabiashara kuwa wababaishaji kwa kutaka kununua kwa bei ndogo ambayo haikuwa na maslahi kwa wakulima” alisema Mwenyekiti wa Baraza hilo Mhe. Jumah Satmah.

Baraza la Madiwani limeahidi kutoa ushirikiano kwa viongozi walioteuliwa kusimamia zoezi hilo kwa kuwahamasisha wakulima kupeleka korosho maghalani kwa sababu  uhakika wa korosho zao kununuliwa kwa bei nzuri  upo kwani hapo awali wakulima walisita kupeleka korosho maghalani  kwa kuhofia kununuliwa  kwa bei ndogo.

Tamko hilo la kumpongeza  Mheshimiwa Rais limetolewa jana Tarehe 21.11.2018 kwenye Mkutano wa Baraza la Madiwani kujadili na kupitisha taarifa za utekelezaji kwa robo ya kwanza ya Julai hadi Septemba kwa mwaka wa fedha 2018/2019.