Kupata mkopo Halmashauri kwa vikundi

UTARATIBU WA KUPATA MIKOPO KWA VIKUNDI VYA WANAWAKE NA VIJANA.

Ili kikundi kipatiwe mkopo kupitia mfuko wa maendeleo ya wanawake na vijana ni lazima kiwe kimekidhi masharti yafuatayo:

• Kikundi lazima kiwe cha wanawake tu

• Kikundi cha vijana lazima kiwe na vijana wa kike au kiume wenye umri wa kuanzia miaka 15-35

• Kikundi cha wanawake umri ni kuanzia miaka 18 na kuendelea

• Kikundi lazima kiwe na mradi endelevu ya kiuchumi.

• Kikundi lazima kiwe kimesajiliwa/kuandikishwa na Taasisi yeyote inayotambulika kisheria

• Kikundi lazima kiwe na makazi ya kudumu ndani ya Halmashauri ya Wilaya ya Masasi (kutambuliwe na serikali za mitaa).

• Kikundi ni lazima kiwe na miradi halali kwa mujibu wa sheria za Nchi ya Tanzania

• Kikundi ni lazima kiwe na akaunti benki inayotambulika kisheria

• Kikundi lazima kiandike andiko la mradi ambao kinaombea mkopo.

• Kikundi kitafanyiwa tathimini ya kiuchumi kulingana na andiko lao

• Taarifa ya tathimini ya vikundi vinavyoomba mkopo hujadiliwa na kamati ya mkopo ya Wilaya na kutolewa maamuzi.

• Kwa vikundi vinavyopitishwa na kamati kupatiwa mkopo, fedha za mkopo huingizwa moja kwa moja kwenye akaunti ya kikundi.

• Riba ya mkopo ni asilimia 10 (10%) ya kiasi kinachokopeshwa

• Muda wa marejesho ya mkopo ni mwaka mmoja (miezi 12) ikijumuisha muda wa matazamio (Grace Period) ya miezi mitatu