Hatua na Taratibu za Upimaji wa Mashamba na Ardhi ya Kijiji
TARATIBU NA HATUA ZA UPIMAJI WA MASHAMBA NA ARDHI YA KIJIJINI
Halmashauri ya wilaya Masasi kama zilivyo Halmashauri nyingine Tanzania, zinajukumu la kupima ardhi/mashamba ya wananchi ili kuwapatia hatimiliki za ardhi zao. Katika kutekeleza hilo, Halmashauri ya Wilaya Masasi imeandaa utaratibu wa upimaji wa ardhi/mashamba ya wananchi kama ifuatavyo;
Mwananchi anayehitaji huduma ya kupimiwa ardhi/shamba lake anatakiwa ajaze fomu ya maomb kwa nakala tatu. Fomu hii ya maombi inapatikana katika ofisi ya kijiji husika. Fomu ya maombi ya upimaji italipiwa Tsh 2500/ ,malipo yatafanyika ofisi ya kijiji. Hapa kuna fomu za aina tatu, za muombaji binafsi, za kikundi n aza taasisi
Maombi ya mwananchi kupimiwa yatapitishwa katika Halmashauri ya kijiji. Halmashauri ya kijiji itatoa maoni kama muombaji anasifa za kupimiwa au hastahili. Sifa za mwombaji anayestahili kupimiwa ni kama zifuatazo;
Awe Mtanzania
Awe na umri wa kuanzia miaka 18 ( mtoto chini ya miaka 18 anaruhusiwa kupimiwa ardhi yake lakini sharti awe chini ya usimamizi wa mzazi au mlezi wake)
Awe na akili timamu wakati wa ujazaji wa fomu na kipindi cha upimaji
Ardhi inayombewa kupimwa haitakiwi iwe na mgogoro wowote kama vile wa mipaka au wa umiliki
Baada ya maombi kupitishwa na Halmashauri ya kijiji yatapelekwa katika mkutano mkuu wa kijiji ambao nao utapitisha maombi hayo.
Baada ya mkutano mkuu kuptisha maombi ya upimaji ya mwananchi,fomu za maombi zilizojazwa zitaletwa ofisi ya Ardhi Halmashauri ya Wilaya Masasi zikiwa na picha ndogo tatu saisi ya Passport.
Ofisi ya Halmashauri ikishakagua fomu hizo, mwananchi aliyeomba atatakiwa kulipia gharama za upimaji kulingana na ukibwa wa ardhi/shamba lake. Malipo ya upimaji yatafanyika katika benki ya NMB kwa akaunti namba 70501200180 jina la akaunti ni MASASI DC OWN SOURCE CASH ACCOUNT
Mwomabji akishalipia benki atatakiwa kupeleka stakabadhi aliyelipitia benki kwa CASHIER wa Halmashauri ya Wilaya Masasi ili apatiwe stakabadhi ya Halmashauri. Mwomabaji atatoa nakala ya stakabadhi ya Halmashuri na kuipeleka ofisi ya Ardhi kwa ajili ya kuweka kumbukumbu.
