WAKALA WA MISITU KANDA YA KUSINI YAJIPANGA KUKABILIANA NA MAJANGA YA MOTO KUTUMIA MTANDAO (SATELLITE)

Posted on: June 26th, 2018

Kutokana na kanda ya kusini yaani Mikoa ya Lindi, Mtwara na Ruvuma kukithiri kwa vitendo vya uchomaji moto kwenye misitu iliyohifadhiwa na ya kawaida, Wakala wa Misitu  Tanzania (TFS) Kanda ya Kusini imekuja na mfumo mpya wa kutambua   na kufuatilia kwa haraka uwepo wa moto kwenye misitu kwa kutumia njia ya matandao na kutoa taarifa za kuuzima mapema kabla haujasababisha madhara makubwa kwenye msitu.

Washiriki wakifuatilia hatua mbalimbali za kuzingatia juu ya matumizi ya mfumo mpya wa utambuaji na udhibiti wa moto kwenye misitu

Kutumia mfumo huo wa kimtandao, wataalamu wa misitu watanweza kutambua uwepo wa moto  haraka kwa kutumia mtandao badala ya kwenda kwenye eneo linaloungua hali ambayo ilikuwa inachelewesha utoaji wa  taarifa lakini pia moto kusababisha eneo kubwa la msitu kuteketea kwa moto.

Mfumo huo mpya wa kukabiliana na mioto katika maeneeo mbalimbali ya misitu, umeelezwa leo na  Mratibu wa Ufuatiliaji moto kwa njia ya satellite ndugu Kekilia Kabalimu  kwa baadhi ya wataalamu wa misitu Kanda ya Kusini  lengo ikiwa ni kuwajengea uwezo wa namna ya kutumia njia ya mtandao  kutambua  na kufuatilia mioto inayotokea na hatimaye kuweza kuizima mapema kabla haijaleta madhara makubwa.

Kekilia ameeleza kuwa  utambuzi na ufuatiliaji wa moto kwa njia ya mtandao itasaidia kwa kiasi kikubwa kupunguza uharibifu wa misitu kwa  urahisi  ambapo wataalamu wa misitu wataweza kutuma  taarifa ya tahadhari ya mpema juu ya uwepo wa moto, hali ambayo itawasaidia kujiweka tayari kuudhibiti kwa hraka zaidi

Kekilia amewataka wataalam  hao wa misitu  kutoa taarifa  kwa wananchi au jamii inayozungunga msitu juu ya uwepo wa moto kwenye msitu ili washiriki kuuzima moto huo kabla haujaleta madadha makubwa, vilevile watawajibika kuwaelimisha wananchi muda gani wanaweza kuchoma moto kwa kuzingatia uelekeo wa upepo.

Aidha Kekilia amesema kuwa kwa mwananchi  ambaye  anataka kuchoma moto wakati akisafisa shamba na kazi zingine azingatie ueleleo wa upepo kwakutumia njia ya  kuweka kidole mdomoni na kukitoa na kuacha kikauke kwa dakika moja , upande utakaokauka haraka ndiko upepo unakotokea hivyo itampasa achome moto kwa kuangalia upande wa kidole ambao haujakauka  kwani upepo unaongeza kasi ya moto kusambaa kwa haraka.

Akifungua mafunzo hayo  mwakilishi wa Meneja wa Wakala wa Misitu Tanzania Kanda  ya  Kusini  Mpokigwa Kibona amewasihi washiriki ambao ni wataalamu wa misitu kuwa makini katika mafunzo hayo ili wakaweze kupata uelewa mzuri wa namna ya kutambua , kufuatilia na kudhibiti mioto inayochomwa sana kwenye misitu ya hifadhi ikizigatiwa  kanda ya kusini inashika nafasi ya tatu katika vitendo vya uchomaji moto misitu ovyo.

“Nitashangaa kama mtaalamu wa misitu uliyepata mafunzo haya lakini ukashindwa  namna ya kutambua na kudhibiti  moto kwa haraka na hatimaye kupelekea moto kusababbisha madhara makubwa ya kuharibu misitu sitakuelewa”  alisema kibona

Mpokigwa Kibona akifungua mafunzo ya matumizi ya mtandao kutambua na kudhibiti moto  kwa niaba ya Meneja wa Misitu kanda ya kusini leo katika ukumbi wa jengo la makao makuu ya Wakala wa Misitu Tanzania kanda ya Kusini

Atupokigwe ameeleza  kuwa moto unaweza kutoea wakati wa kusafisha mashamba, vipisi vya sigara lakini pia uchomaji moto kwa makusudi, hivyo wataalamu wa misitu wanawajibu wa kuendelea kutoa elimu kwa jamii paoja na kutumia mfumo huo kutambua uwepo wa moto ili waweze kuudhibiti kwa haraka.