UJIO WA MWENGE WA UHURU MASASI KUMULIKA UWEKEZAJI KATIKA ELIMU

Posted on: June 5th, 2018

Ujio wa mwenge wa uhuru katika  Halmashauri ya Wilaya ya Masasi mkoani Mtwara utakaopokelewa na kukimbizwa   tarehe 13 juni, 2018 , unatarajia kuona kwa vitendo uwekezaji katika elimu kwa kupitia miradi  ya miundombinu na jinsi jamii  inavyoshiriki katika kuboresha elimu kwa kutoa chakula mashleni  na kujenga miundombinu kama madarasa lengo ikiwa kufanya mazingira ya kufundishia na kujifunzia kuwa mazuri na hivyo kuinua ufaulu.

Akiongea ofisini kwake Mkurugenzi Mtendaji wa Halmashauri hiyo Bi Changwa M. Mkwazu alisema, Mwenge wa uhuru ukiwa Masasi utakimbizwa kwenye vijiji 18 kata 8 na tarafa 3 na utapokelewa katika kijiji cha Mpeta na kukimbizwa katika Vijiji vya Chiungutwa, Ndwika, Nagaga, Namombwe, Mkwaya na utakesha katika kijiji cha Mnavira kata ya Mnavira ambapo katika miradi hiyo miradi ikiwemo ya  elimu iliyotekelezwa kwa fedha za serikali na nguvu za wananchi itawekewa mawe ya msingi .

Mkwazu alieleza kuwa  kwa ujumla, Mwenge wa Uhuru ukiwa  katika Halmashauri hiyo, utaweka mawe ya msingi katika miradi minne (4) , kuzindua klabu ya wapinga rushwa na kugawa hundi za mikopo kwa vikundi 41 vya wananwake na vijana zenye thamaani ya shilingi milioni 144,219,000.

Mkurugenzi aliendelea kueleza kuwa, Kama ujumbe na kauli mbiu ya mwenge wa Uhuru kwa mwaka huu 2018 unalenga kuwekeza katika elimu, halmashauri ya wilaya ya masasi imeendelea kutekeleza kwa vitendo kwa kujenga miundombinu na kutoa elimu kwa jamii juu ya kushiriki katika kuboresha elimu ikiwemo kuchangia chakula  ili wanafunzi kupata chakula cha mchana.

Akifafanua juu ya miradi itakayopitiwa na Mwenge wa Uhuru Mkurugenzi alisema, Miradi itayowekewa mawe ya masingi na Mwenge wa Uhuru  ni  mradi wa ujenzi wa madarasa 7, maabara 1 mabweni 2 na jengo la utawala 1 katika shule ya wasichana ndwika unaoghalimu shilingi milioni 400, ujenzi wa majengo ya wodi 1,  chumba cha upasuaji 1,maabara 1, mochwari 1 na nyumba ya mtumishi 1 katika kituo cha Nagaga unaogharimu shilingi 400, mradi wa maji makong’onda –rivango unaogharimu shilingi bilioni 1,415,000,000, ujenzi wa madarasa 3 shule ya msingi Mnavira unaogharimu shilingi milioni 26,000,000  kwa nguvu ya wananchi na halmashauri na hundi za mikopo kwa vikundi  41 vya wanawake na  vijana zenye thamani ya shilingi milioni 144,219,000

Hivyo Mwenge wa Uhuru kwa mwaka 2018 utapitia  miradi yenye thamani ya shilingi bilioni 2,385,219,000 Alisema  Mkwazu.

Kuhusu Ujumbe  na Kauli mbiu ya  Mbio Za Mwenge wa Uhuru 2018 inayosema “UWEKEZAJI KATIKA ELIMU”  chini ya kauli mbiu inayosema  “ELIMU NI UFUNGUO WA MAISHA, WEKEZA SASA” Mkwazu ameeleza kuwa halmashauri inatekeleza kwa vitendo kwani elimu imeendelea kuboreshwa kimiundombinu lakini pia  jamii imeendelea kuelimishwa juu ya dhana ya Elimu bila Malipo ambapo wazazi wamehamasika kuchangia na kusimamia zoezi la utoaji wa  chakula mashuleni  na kujenga miundombinu kama madarasa lengo ikiwa ni kuongeza ari ya wananfunzi kupenda shule na hivyo kuinua ufaulu.