WASIMAMIZI WA ZAHANATI 12 ZILIZOFUNGIWA VIFAA VYA UMEME JUA, WAPEWA MAFUNZO YA UTUNZAJI WAKE

Posted on: June 18th, 2018

Wasimamizi wa vituo 12 vya kutolea huduma za afya na viongozi wa ngazi ya wilaya ya Masasi wametakiwa kuzingatia mambo  muhimu katika  utumiaji na utunzaji wa vifaa vya umeme Nuru( solar Power)  vilivyofungwa kwenye maeneo yao   ili viweze kudumu kwa muda mrefu lakini pia kutosababisha  majanga ya moto yanatokanayo na umeme.

washiriki wakifuatilia mafunzo ya namna ya kutumza mifumo ya sola 

Maelekezo   hayo ya  namna utunzaji na utumiaji wa vifaa ya umeme nuru yametolewa  leo wakati wa Mafunzo   ya  utumiaji na utunzaji wa mfumo wa umeme nuru katika zahanati na hosipitali  zao lengo ikiwa ni kupata uelewa wa mambo ya kuzingatia wakati wa matumizi ya mfumo huo ili iweze kudumu na hivyo kufanikisha lengo husika la kuboresha huduma za afya.

Akiongea wakati wa kutoa  mafunzo  hayo leo  katibu Mtendaji wa  taasisi  ya Tanzania Renewable Energy Association (TAREA) Eng. Matthew Matimbwi amesema kuwa mafunzo hayo yanalenga kuwajengea uwezo wasimamizi wa vituo na viongozi wa wilaya  ili waweze kusimamia  namna ya kutumia  vifaa vya  umeme nuru kwa kufuata masharti ikiwemo kuhakisha sola zinawekwa kwenye jua na sio kivulini na kutumia kwa matumizi sahihi.

Module (Solar Pannel)  ikiwa imewekwa eneo lenye jua

Eng. Matimbwi  amesema kuwa kuna baadhi ya watumiaji wanashika vifaa wakiwa na mikono yenye unyevu, kuweka vifaa vya chuma kwenye betri na kutumia vifaa vingi vya umeme tofauti na uwezo wa  vifaa vya sola hali inayopelekea vifaa hivyo kuharibika mapema, hivyo mafunzo hayo yatawapa uelewa wa namna  bora na sahihi ya kutumia vifaa vya umeme nuru  

washiriki wakifuatilia mafunzo ya namna ya kutumza mifumo ya sola 

“ Vifaa vyote vilivyotengenezwa kwa nia ya kuzalisha joto kama pasi , mjiko,birika,kichemsha maji nk. Havitakiwi kutumia meme kutoa mfumo wa umeme nuru” alisema  Eng. Matimbwi.

Kwa upande wake Mratibu wa Mahusiano kati ya  Wilaya ya Masasi na Enzkreis ya Ujerumani ndugu Jeremiah Lubeleje amesema kuwa Halmashauri zimeamua kuendesha mafunzo hayo kwa wasimamizi ili waweze kuelewa namna bora ya kutumia vifaa hivyo vya umeme Nuru ili viweze kudumu kwa muda mrafu baada ya wenzentu wa enzkreis kutuwezesha vifaa hivyo.  

washiriki wakifuatilia mafunzo ya namna ya kutumza mifumo ya sola kwa kusoma kipeperushi kinachoelezea ushirikiano kati ya Masasi na Enzkreis 

Lubeleje amesema kuwa , kuna miradi mingi ya serikali inakufa kutokana na kukosa usimamizi wa karibu kwa watumiaji wa mradi, kwa mradi huo tunataka wazimamizi wa vituo waelewe nini cha kufanya wakati wa matumzi wa vifaa vya umeme  huo kuanzia usafi, namna ya kuchaji na kutumia kulingana na maelekezo.

Ushirikiano kati ya Masasi na Enzkreis ulianza mwaka 2011 kupitia mradi wa mazingira na mabadiliko ya tabia ya nchi ambapo miradi ya uwekaji wa  umeme Nuru katika vituo vya afya 27 na nyumba za watumishi 51 umefanyika  lengo ikiwa ni kuboreshaa mazingira ya utoaji wa huduma za afya hata nyakati za usiku.