UWEKEZAJI KATIKA ELIMU, UZINGATIE UTOAJI WA CHAKULA SHULENI

Posted on: June 13th, 2018

Mwenge wa Uhuru ukiwa umewasili Halmashauri ya Wilaya ya Masasi Katika kijiji cha Mpeta

Mpango wa Elimu bila malipo  kwa elimu ya awali hadi sekondari kidato cha nne inamapa fursa kila mwananfunzi wa kitanzani kupata elimu bila kulipa ada na michango mingine yoyote lakini jukumu la kuhakiksha wanafunzi wanapatiwa  chakula wakiwa shuleni  linapaswa kutekelezwa na wazazi kama njia ya kuwekeza kwenye elimu ambapo wananfunzi wataweza kuwa na nguvu ya kujisomea muda mwingi na hatimaye kuongeza ufaulu.

Kiongozi wa mbio za Mwenge wa Uhuru kitaifa ndugu Charles Francis Kabeho akizindua mpango wa kutoa chakula sheluni katika shule ya sekondari namombwe leo tarehe 13.06.2018 wakati wenge wa uhuru ulipotembelea shuleni hapo

Kauli hiyo imetolewa na kiongozi wa mbio za Mwenge wa Uhuru Kitaifa ndugu Charles Francis Kabeho wakati alipokuwa akitoa ujumbe wa mwenge wa Uhuru kwa wananchi wa  Halamashauri ya wilaya ya masasi wakati wa mbio za Mwenge wa Uhuru uliokimbizwa leo tarehe 13 juni, 2018 katika Halamashauri  hiyo,   na kusema kuwa ujumbe na kaulimbiu ya mwenge wa uhuru kwa mwaka 2018 unalenga kuwekeza katika elimu kwa maendeleo ya taifa hivyo utoaji wa chakula ni sehemu ya uwekezaji katika elimu.

Kabeho amesema kuwa serikali ya awamu ya tano inawekeza kwenye miundombinu ikiwemo ujenzi wa maabara, madarasa na miundombinu mingingine lakini wananchi wanapasawa kuchangia maendeleo ya elimu kwa kuhakikisha wanafunzi wanapata chakula cha mchana  shuleni ili kuwawezesha kuwa na nguvu za kusoma badala ya kushinda njaa kwa muda mrefu hali ambayo inawafanya kutokuwa makini katika masomo.

“Mtoto  mwenye njaa hawezi kusoma kwa bidii  hivyo ili kuwekeza kwa vitendo katika elimu ikiwemo kuongeza ufaulu kwa wanafunzi lazima tujiwekee utartibu kama wazazi kuhakikisha wanafunzi ambao ni watoto wenu  kupata chakula wakiwa shuleni kwani huo ni wajibu wenu” alisema Kabeho

Kabeho  amewapongeza wananchi wa kijiji cha namombwe kwa kuelewa  dhana ya elimu bila malipo na kutambua wajibu wao wa kuchangia chakula kwa wanafunzi wanaosoma shule ya sekondari Nambombwe wakati alipotembelea shule hiyo na kuzindua mpango wa utoaji chakula shuleni  kwa kugawa chakula cha mchana kwa wanafunzi  wa shule hiyo na kusema kuwa wanafunzi wanapaswa kuata chakula na mahitaji mengine ya msingi wakiwa shule ikiwemo sale za shule na vifaa vya kujifunzia.

Kwa upande wake Nasra Hamisi wanafunzi wa kidato cha kwanza katika shule ya sekondari Nambombwe  amesema kuwa utoaji wa chakua shuleni unawasasidia wanafunzi kupata muda mwingi wa kujisomea hali ambayo inaongeza ari ya kusoma kwa wanafunzi na hivyo kupelekea  kuongeza kiwango cha ufaulu

Kiongozi wa mbio za Mwenge wa Uhuru kitaifa ndugu Charles Francis Kabehoakiweka jiwe la msingi katika mradi wa upanuzi wa kituo cha afya Nagaga leo tarehe 13.06.2018 wakati Mwenge wa Uhuru ulipotembelea kituoni hapo

Aidha mbio za mwenge wa uhuru katika halmashauri ya wilaya ya masasi  zimeweza kuweka mawe ya msingi katika miradi minne(4) kutoa hundi kwa vikundi vya wananwake na vijana na kuzindua clabu ya wapinga Rushwa shule ya sekondari Namombwe yenye  thamani ya shilingi shilingi  bilioni 2,406,699,000 na kupongeza utekelezaji wa miradi ya ujenzi ambayo imezingatia viwango na ubora.

Kiongozi wa mbio za Mwenge wa Uhuru kitaifa ndugu Charles Francis Kabehoakiweka jiwe la msingi katika mradi wa ujenzi wa miundombinu shule ya wasichana Ndwika  leo tarehe 13.06.2018 wakati Mwenge wa Uhuru ulipotembelea shuleni hapo