REA awamu ya tatu yazinduliwa Rasimi Mkoani Mtwara.

Posted on: August 18th, 2017

Naibu Waziri wa Nishati na Madini Mhe.Dkt Medard M. Kalemani (MB) azindua rasmi Mradi wa umeme vijijini (REA) awamu ya tatu katika Mkoa wa Mtwara  tarehe 17.08.2017 ambapo vijiji 213 mkoani mtwara  vitapata umeme kupitia mradi huu.

Uzinduzi huo  kimkoa umefanyika katika Wilaya ya Nanyumbu katika kijiji cha Mnazimmoja kilichopo eneo la Michiga na kusema kuwa, serikali imedhamiria kuhakikisha wananchi wanapata huduma ya umeme ili waweze kuufikia uchumi wa viwanda ambayo ndio azima ya serikali .

Dkt kalemani amewaeleza wananchi kuwa mradi huo wa umeme utasukuma kwa kasi ya safari ya kuufikia uchumi wa kati kupitia viwanda ambapo wananchi wa mtwara na vijiji vyake  watapata fursa ya kufungua viwanda vidogo na vikubwa na hivyo kuongeza uzalishaji wa bidhaa na kukuza uchumi.

Naibu waziri amesema kuwa, Mtwara ni kati ya mikoa mitano ya  Tanzania bara ikiwemo Lindi, Rukwa Katavi na Kigoma  iliyokuwa nyuma katika huduma ya umeme  hivyo serikali imeamua kutatua changamoto hiyo kwa vitendo kwa kuanzia mkoa wa  mtwara wenye rasilimali ya Gesi.

“katika awamu ya kwanza na ya pili ya mradi wa REA  Mkoa wa mtwara ulifanikiwa kupata viiji 82 ambapo awamu ya kwanza vijiji 31 tu ndio vilipata umeme na awamu ya pili vijiji 5, lakini awamu ya tatu vijiji 283 vimeingizwa kwenye Mradi, lengo la serikali ni kuiniza vijiji vyote  vilivyobaki” alifafanua Dkt kalemani.

Naibu waziri alisema kuwa katika mradi huo wa umeme vijijini awamu ya tatu  taasisi mbalimbali zikiwemo mashule, zahanati makanisa na misikiti na makanisa bure  ili kuboresha upatikanaji wa huduma kwa urahisi zaidi.

Naibu waziri amewaelekeza wakandarasi waliopata kazi hiyo kuhakikisha wanaweka umeme kila kijiji,kitongoji na nyumba bila kujali aina ya nyumba, wametakiwa kutumia nguvu kazi ya vijana waliopo Mtwara na mwalipe kwa wakati pamoja na kutekeleza mradi kwa muda wa miezi 24 kama mkataba unavyoelekeza.

Pamoja na uzinduzi huo mhe. Kalemani ametoa vifaa vya umeme 20 kwa wazee wa kijiji cha Mnazimoja ambao hawatakuwa na uwezo wa kufanya wiringi kwenye nyumba zao mara baada ya umeme kusambazwa kwenye maeneo yao