RAIS DKT SAMIA SULUHU HASSAN AWEKA JIWE LA MSINGI JENGO LA UTAWALA MASASI DC

Posted on: September 16th, 2023

Rais wa Jamhuri  ya  Muungano  wa  Tanzania Mhe. Dkt Samia  Suluhu  Hassan  Sept 16, 2023 ameweka  Jiwe la  Msingi  kwenye Jengo la Utawala la Halmshauri ya Wilaya ya Masasi  mkoani  Mtwara.

Mradi  huo  ambao  unatekelezwa  kwa  Force account  kupitia  kwa  fundi Ujenzi Chuo kikuu cha Sayansi na Teknoloji Mbeya {MUST} na Mhandisi  Mshauri  Chuo Kikuu cha Dar Es Salaam{ BICO},  ulianza utekelezwaji  wake tarehe 6/4/2021   hadi sasa  upo katika  hatua  ya  umaliziaji  umegharimu  kiasi cha fedha shilingi  bilioni 2.66 .

Hata hivyo baada ya zoezi  hilo la uwekaji wa jiwe hilo la msingi katika jengo hilo la utawala, Rais Dkt Samia aliwasalimia  Wananchi wa Lulindi ambao  walijitokeza hapo kumlaki, ambapo aliwasisitiza  kuongeza jitihada  kwenye Kilimo na hasa cha Mbaazi, Korosho na Ufuta waongeze maeneo  mengi Zaidi ya kulima  na akawahaidi  kuwa,  Serikali nayo itajitahidi  kutafuta masoko ya uhakika ili baada  ya mavuno  yao na kuuzwa zipatikane  fedha nyingi ambazo zitamnufaisha  mkulima mwenyewe moja kwa moja,  nayo serikali itaendelea  kuzipeleka  fedha kwenye  Halmshauri.

Amesema kwasasa  Maendeleo yeyote ni fedha ambayo Serikal inakusanya kwenye kodi na ikishindikana kwenye kodi basi hujielekeza  kwenye  mikopo, na hivyo ili kuepuka  suala  la mikopo ni lazima Wananchi nao wakaisaidia  Serikali kukusanya  fedha za Maendeleo  kwa kujikita  kwenye shughuli za kilimo.

Hata  hivyo Rais Samia ambaye alianza ziara yake mkoani Mtwara tarehe 14 Sept 2023, amehitimisha ziara yake  jana 17 Sept 2023 kwa kuzungumza na Wananchi wa wilaya ya Masasi katika mkutano wa hadhara uliofanyika ktika uwanja wa bomani masasi mjini huku akiwashukuru Wananchi wote wa mkoa wa Mtwara kwa kujitokeza  kwa wingi  kumpokea na kuhudhhuria mikutano myake yote ya hadhara aliyoifanya  katika Wilaya zote za Mkoa wa Mtwara.