MASASI YANG'ARA, UMISSETA KIMKOA 2018

Posted on: June 4th, 2018

 MASASI  YANG’ARA, UMISSETA KIMKOA 2018

Halmashauri  ya Wilaya ya Masasi  mkoani mtwara imefanikiwa kuga’ra katika mashindano ya michezo ya  UMISSETA kimkoa ambapo pamoja na kuwa mshindi wa tatu  wa jumla lakini pia Halmashauri imeweza  kutoa timu  nzima ya mchezo wa volleyball  ngazi ya taifa itakayofanyika kitaifa mkoani mwanza kuanzia tarehe 4 hadi 15 Juni , 2018.  

Hayo yamesemwa  na aliyekuwa mratibu wa UMISSETA kanda ya Masasi-Nanyumbu  ndugu Geofrey Ntandu wakati alipokuwa akimkabidhi Mkurugenzi wa Halmashauri ya Wilaya ya Masasi  Bi Changwa Mkwazu  kombe la ushindi kwa mchezo wa mpira wa miguu kama mshindi wa tatu wa jumla na kueleza kuwa Halmashauri  imefanikiwa kutoa wanafunzi 16 kwa ajili ya timu ya Volleyball wanaoshiriki UMISSETA Kitaifa. 

Ntandu alisema kuwa kwa kanda ya Masasi –Nanyumbu imetoa jumla  wanafunzi 26  kati ya 100  waliochaguliwa kushiriki michezo mbalimbali   katika mashindano ya michezo ya   UMISSETA ngazi ya Taifa itakayofanyika Jijini Mwanza.

Mkurugenzi Mtendaji wa Halmashauri ya Wilaya ya Masasi  Bi Changwa M. Mkwazu akiwa ameshika kombe la ushindi ofisini kwake leo baada y kukabidhiwa

Ntandu aliongeza kuwa wanafunzi watakaocheza vizuri katika mashindano hayo ya michezo ya  UMISSETA  watachaguliwa kushiriki michezo katika ngazi ya Afrika mashariki  maarufu kama FEASSA kuliwakilisha Taifa katika michezo mbalimbali.

Kwa upande wake Mkurugenzi Mtendaji wa Halmashauri hiyo Bi Changwa M. Mkwazu amewapongeza walimu na wananfunzi kwa kufanikiwa kuwa washindi wa tatu wa jumla na kupata ushindi wa kwanza kwenye mchezo wa mpira wa miguu lakini pia kuwatakia heri katika mashindao yao ya UMISSETA  ngazi ya Taifa.

“Natumai mtarudi na ushindi maana ushindi huu ni ishara nzuri ya mafanikio lakini pia nampongeza kocha wa kituo cha volleyball katika kituo cha Mkalapa  ndugu Gabriel Joshua kwa kuweza kuibua na kuendeleza vipaji  vya wananfunzi katika mchezo huo  maana ni kwa juhudi zake Halmashauri imeweza kuwa na wanafunzi wengi wanaounda timu ya mchezo huo ngazi  Mkoa kutuwakilisha ngazi ya Taifa” alisema Mkwazu.