MAONESHO YA NANENANE KANDA YA KUSINI 2018 YAFUNGULIWA, VIJANA WAELIMISHWE KUWEKEZA KATIKA KILIMO ,MIFUGO NA UVUVI

Posted on: August 3rd, 2018

Ili viwanda viweze kuendelea katika uzalishaji wa bidhaa mbalilimbali na kuifanya nchi kufikia uchumi wa kati, vijana lazima wapewe elimu zaidi ya namna ya kutumia fursa ya kuwekeza katika kilimo. Mifugo na Uvuvi ili kuwezesha uzalishaji mkubwa wa malighafi ambazo zitatumika katika viwanda hivyo huku wao wakijiongezea uchumi

Mkuu wa wilaya ya masasi mhe. Selemani Mzee akitoa salamu kwa wananchi wakati wa ufunguzi wa maonesho ya NANENANE  Kanda ya Kusini 2018  jana tarehe 3 agosti, 2018

Msisitizo huo ulitolewa jana na mgeni mhe  Shaib Ndemanga rasmi wakati wa kufungua maonesho ya Nanenane kanda ya kusinikwa mwaka 2018 yanayofanyika katika viwanja vya Ngongo Manispaa ya lindi na kueleza kuwa vijana ndio nguvu kazi ya Taifa hivyo ni vema wakaelimishwa na kuwezeshwa kutambua fursa hiyo adhimu ya kuwekeza katika sekta ya kilimo, mifugo na uvuvi kama fursa ya kukuza uchumi wa nchi

Shamba la bora la Mtama katika banda la Halmashauri ya Wilaya ya Masasi katika maonesho ya Nanenane 2018 Katika Viwanja vya Ngongo

Ndemanga ameeleza kuwa maonesho ya nanenane  kwa mwaka 2018 yameendelea kuonesha teknologia mbalimbali za kilimo mifugo na uvuvi, hivyo ni fursa nzuri kwa wananchi wote wa kanda ya kusini kwenda kujifunza njia za kisasa za uzalishaji wa mazao ya kilimo mifugo na uvuvi na hatimaye kuongeza uchumi katika jamii na taifa kwa ujumla.

Shamba bora  la ALIZETI  katika banda la Halmashauri ya Wilaya ya Masasi katika maonesho ya Nanenane 2018 Katika Viwanja vya Ngongo

“Tuanaamini, kama watu watalima, watafuga na kuvua kibiashara watazalisha ajira nyingi kwa wananchi wakiwemo vijana na hivyo kupunguza tatizo kubwa la ajira lililopo sasa, tumieni maonesho haya kama shamba darasa kujifunza teknologia mbalimbali ili muweze kuzalisha kwa tija” alisema Ndemanga

Ndemanga alifafanua kuwa zaidi ya 70% ya watanzania wanategemea sekta ya kilimo, mifugo na uvuvi hivyo ni lazima sekta hizi ziboreshwe ili watanzania waweze kukuza uchumi na kufikia uchumi wa kati kupitia viwanda ambalo ndilo lengo la serikali.

 Bwawa la samaki katika banda la Halmashauri ya Wilaya ya Masasi katika maonesho ya Nanenane 2018 Katika Viwanja vya Ngongo

Kauli mbiu ya maonesho ya Nanenane 2018 inasema “wekeza katika kilimo,mifugo na uvuvi kwa maendeleo ya viwanda” hivyo ni wajibu wa kila mtu kutambua fursa kwa kuwekeza ili kuzalisha malighafi za kutosha kwa ajili ya kuendeleza viwanda vya ndani na hatimaye kuisaidia serikali kupunguza gharama za kuagiza vitu kutoka nje ya nchi.

Aidha serikali imeendelea kufuta na kupunguza ada na tozo  ikiwemo tozo 80 kati ya 139 za kilimo zimefutwa,  kwenye ushirika tozo 20 zimefutwa na katika sekta ya mifugo tozo 7 zimefutwa ambazo zilikuwa kero kwa wakulima, wafugaji na wavuvi lengo ikiwa ni   kuwapunguzia wakulima tozo na ada zisizo za lazima.

Ng'ombe wa Maziwa katika banda la Halmashauri ya Wilaya ya Masasi katika maonesho ya Nanenane 2018 Katika Viwanja vya Ngongo 

Maonesho ya Nanenane kwa kanda ya kusini inashirikisha halmashauri 15 za mikoa ya lindi na Mtwara pamoja na taasisi zingine za serikali na binafsi, maonesho haya kwa kanda ya kusini yalianza rasmi kufanyika mwaka 2004.

Wageni wakiwa kweye hafla ya ufunguzi wa maonesho ya Nanenane Kanda ya Kusini  2018 katika viwanja vya Ngongo Manispaa ya  Lindi