KIONGOZI WA MBIO ZA MWENGE KITAIFA 2018,APONGEZA UTEKELEZAJI WA MIRADI HALMASHAURI YA WILAYA YA MASASI

Posted on: June 14th, 2018

Serikali  ya awamu ya tano imedhamiria kuwekeza katika miundombinu ya katika sekta mbalimbali ikiwemo elimu afya na maji kwa kutoa fedha za utelelezaji wa miradi hiyo, Halmashauri ya Wilaya ya Masasi imeweza kutekeleza miradi yake kwa kuzingatia viwango na ubora unaotakiwa, hali ambayo  imeshawishi mbio za Mwenge wa Uhuru kwa mwaka 2018 kuridhia kuweka mawe ya msingi katika miradi yote, hongereni sana.

Mkurugenzi Mtendaji wa Halmashauri ya Wilaya ya Masasi Bi Changwa M. Mkwazu akipokea Mwenge wa Uhuru eneo la mapokezi kijiji cha Mpeta tarehe 13.06.2018

Pongezi hizo zilitolewa na kiongozi wa Mbio za Mwenge wa Uhuru Kitaifa Ndugu Charles Francis Kabeho wakati wa mbio za Mwenge wa Uhuru katika Halmashauri hiyo zilizofanyika tarehe 13 juni,2018 na kueleza kuwa Halmashauri ya wilaya ya masasi imekuwa na miradi ambayo imetekelezwa kwa viwango na ubora wa hali ya juu hivyo wanastahili pongezi kubwa sana.

Wakimbiza Mwenge wa Uhuru kitaifa wakiongozwa  Ndugu Charles Francis Kabeho (wa tatu kutoka kulia) wakati wa mbio za mwenge wa Uhuru Halmashauri ya Wilaya ya masasi 13 juni 2018

“Utekelezaji wa miradi kwa kutumia  fedha za serikali au nguvu za wananchi lazima  uzingatie ubora na thamani ikiwemo matumizi ya matofali yenye viwango na utaalamu stahiki, Halmashauri ya wilaya ya masasi imeonyesha ubora huo kwenye miradi yake yote ndio maana Mwenge wa Uhuru umeridhia kuweka mawe ya msingi “ alisema kabeho.

Mkimbiza Mwenge wa Uhuru   Ndugu Charles Francis Kabeho (aliyavaa skafu) wakati baada ya kuweka jiwe la msingi katika mradi wa ujenzi wa madarasa matatu shule ya msingi Mnavira tarehe 13.06.2018

Aidha Kabeho amewapongeza viongozi wa Halmashauri ya Wilaya ya Masasi akiwemo Mkuu wa Wilaya, Viongozi wa Chama Tawala, Mwenyekiti wa Halmashauri, Mkurugenzi Mtendaji, Wahehimiwa Madiwani, Watendaji na Wananchi wote kwa ushirikano walio nao katika kutekeleza shughuli mbalimbali za maendeleo katika kuwahudumia wananchi.

“Kwa utekelezaji huu ningependa kuziambia Halmashauri zingine kuja kujifunza katika Halmashauri hii kwani utekelezaji wa miradi upo katika viwango vya juu sana lakini pia wameweza kubakiza fedha na kuweza kujenga miundombinu mingine” alisema kabeho.

Watumishi wa Halmashauri ya Wilaya ya Masasi wakipokea Mwenge wa Uhuru 

Katika kutekeleza Ujumbe wa Mwenge wa Uhuru unasema Elimu ni Ufunguo wa Maisha, Wekeza Sasa, Kabeho ameipongeza Halmashauri ya Wilaya ya Masasi kwa kuwa na mpango wa utoaji wa chakula kwa wananfunzi shuleni ambapo wazazi wameonyesha kutambua wajibu wao wa kuhakikisha watoto wanapata chakula wakiwa shule hali ambayo inataongeza ari kwa wananfunzi kujisomea na hatimaye kuongeza ufaulu.

Mkimbiza Mwenge wa Uhuru Kitaifa   Ndugu Charles Francis Kabeho akizindua mpango wa kutoa chakula katika shule ya sekondari Namwombwe

Kwa upande wa vikundi ya wanawake na vijana, Kabeho ameipongeza Halmashauri kwa kufanikiwa  kutoa mikopo kwa vikundi  41 wakati wa mbio za Mwenge wa Uhuru yenye thamani ya shilingi milioni 144,219,000 kwani serikali inataka wanawake na vijana kushiriki kwa vitendo katika kufikia tanazania ya viwanda kwa kuanzisha viwanda vidogovidongo na vya kati.

Mkimbiza Mwenge wa Uhuru Kitaifa   Ndugu Charles Francis Kabeho akitoa hundi za mikopo kwa vikundi vya wananwake na vijana

Kufuatia ongezi hizo, Mkuu wa Wilaya ya Masasi Mhe. Selemani Mzee amewashukuru Watendaji na Viongozi wa Halmashauri hiyo kwa umoja na mshikamo walionao katika kutekeleza shughuli mbalimbali za maendeleo ikiwemo mbio za Mwenge wa Uhuru kwa mwaka huu kwani kutokana na ushirikiano wao wamefanikiwa kupata pongeza katika utekelezaji wa miradi.

Mkurugenzi Mtendaji wa Halmashauri ya Wilaya ya Masasi bi Changwa M.Mkwazu (aliyeshika karatasi) akiwa katika picha ya pamoaja na baadhi ya watumishi wa Halmashauri hiyo wakifurahia ujio wa mwenge wa uhuru katika Halmashauri yao.

Mbio za mwenge wa uhuru katika halmashauri ya wilaya ya masasi  zimeweza kuweka mawe ya msingi katika miradi minne(4) kutoa hundi kwa vikundi vya wananwake na vijana na kuzindua clabu ya wapinga Rushwa shule ya sekondari Namombwe yenye  thamani ya shilingi shilingi  bilioni 2,406,699,000

Mkimbiza Mwenge wa Uhuru Kitaifa   Ndugu Charles Francis Kabeho akiwa kwenye ukaguzi wa mradi wa ujenzi shule ya wasichana ndwika