HALMASHAURI YA WILAYA YA MASASI YATUMIA MILIONI 12,500,000.00 KUNUNUA PIKIPIKI KWA AJILI YA MAAFISA UGANI

Posted on: June 2nd, 2017

 Katika  kuhakikisha wakulima wanapata huduma za ugani kwa uhakika vijijini, Halmashauri ya Wilaya ya Masasi Mkoani Mtwara  kwa kutumia fedha za mapato ya ndani imenunua na kuwakabidhi pikipiki maafisa ugani watano ili kurahisisha utekelezaji wa majukumu yao ya kila siku kwa ufanisi zaidi zenye thamani ya shilingi milioni 12,500,000.

Maafisa ugani hao kutoka kata za Mbuyuni, Chikunja, Ndanda, Mpindimbi na Chikukwe wamekabidhiwa pikipiki hizo na Afisa kilimo  ndugu Kasimu Duwa na kuwaeleza Kuwa pikipiki hizo zitawasaidia kuwafikia wakulima na wafugaji kwa wingi na kwa wakati ili kuleta tija katika kukuza uchumi kupitia kilimo na ufugaji.

Akikabidhi pikipiki hizo Afisa kilimo ndugu Kasimu Duwa kwaniaba ya Mkurugenzi  Mtendaji  wa Halmashauri hiyo kwa maafisa ugani  hao alisema kuwa Halmashauri imedhamiria kuwawezesha vyombo vya usafiri maafisa ugani wote ili waweze kutekeleza majukumu yao kwa ufanisini kwa kumfikia kila mkulima na mfugaji.

Duwa alitumia nafasi hiyo kuwaasa maafisa ugani hao kutumia pikipiki hizo kwa matumizi sahihi na sio kugeuza bodaboda na ikidhibitika yeyote kufanya hivyo hivyo atachukuliwa sheria ikiwa ni pamoja na kunyang’anywa pikipiki hiyo.

Akizungumza kwa niaba ya maafisa ugani wenzake, Grace Mpili afisa ugani wa kata ya Mbuyuni alisema kuwa pikipiki hizo zitawasaidia kwa kiasi kikubwa kuwatembela na kutoa huduma kwa  wakulima na wafugaji kwa wakati tofauti na awali ambapo ilikuwa ngumu wao kuwafikia wakulima wongi kwa wakati.

Halmashauri ya Wilaya ya Masasi ina jumla ya kata 34 kati ya hizo kata 25 zina maafisa ugani ambao wamepewa pikipiki bado kata 4 ambazo maafisa ugani wapo na 5 hazina maafisa ugani