DED MASASI DC AWATAKA WATUMISHI KUFUATA KANUNI NA TARATIBU ZA UTUMISHI WA UMMA.

Posted on: September 4th, 2025

MKURUGENZI  MASASI DC AWATAKA WATUMISHI 

Mkurugenzi  Mtendaji wa Halmashauri ya Wilaya ya Masasi Ndg.Alphaxard Mashauri Etanga amewataka Watumishi kufanya kazi zao kwa kufuata taratibu na miongozo ya Serikali inayowataka  kufuata kanuni za Utumishi wa Umma, na kutumia busara katika kuwahudumia Wananchi ambao ndio wateja wao.

Wito huo umetolewa leo tarehe 04/09/2025 na Mkurugenzi wa Halmashauri hiyo wakati akiongea na watumishi hao katika kikao cha kawaida kilichofanyika katika ukumbi wa mikutano wa Halmashauri hiyo uliopo Mbuyuni Masasi.

Amesema Watumishi wanapaswa kujua haki na wajibu wao kwa kufuata  Sheria, kanuni na taratibu za kazi pindi wanapotimiza majukumu yao  na kuwa na  nidhamu ya kazi  ikiwa ni pamoja na kuwahi kazini na kutoka kwa muda uliopangwa.

"Leo tumekutana hapa katika kikao cha kawaida kwasababu sisi kama watumishi mara kwa mara huwa tunakutana kwa ajili ya kuzungumza, kupata mawazo yenu na mwisho kwetu sisi viongozi tunatoa mwelekeo wa kiutendaji na tunahaidi kushughulikia changamoto na kero za Watumishi zinapojitokeza hivyo nataka mjue haki na wajibu wenu "

Aidha ameendelea kuwasisitiza watumishi hao

 kushirikiana na kupendana katika kufanya kazi ili kuleta ufanisi katika utendaji kazi wa Halmashauri hiyo.

Naye Mkuu wa Idara ya Utawala na Usimamizi wa Rasilimali watu wa Halmashauri hiyo Ndg.Optatus Lusolela pamoja na kumshukuru Mkurugenzi kwa kutenga muda wake mara kwa mara kukutana na kuzungumza na watumishi hao na hatmaye kutatua changamoto zao pindi zinapojitokeza amewaomba watumishi hao kuzitumia fursa mbalimbali zinapotolewa na Halmashauri ili kujikwamua kiuchumi.

04/09/2025