DC KANONI: HONGERENI BARAZA LA MADIWANI KWA USIMAMIZI MZURI WA MIRADI YA MAENDELEO

Posted on: May 22nd, 2024

DC KANONI: HONGERENI BARAZA LA MADIWANI KWA USIMAMIZI MZURI WA MIRADI YA MAENDELEO.

Mkuu wa Wilaya ya Masasi mhe.Lauter John Kanoni amempongeza Mwenyekiti wa Halmashauri ya Wilaya Masasi Ndg.Ibrahimu Chiputula, Madiwani wote, Pamoja na Wataalamu kwa kusimamia vizuri miradi ya Maendeleo ambayo inatekelezwa katika Maeneo Yao hususani ujenzi wa ghala la kuhifadhia Mazao lenye uwezo wa kupokea zaidi ya Tani elfu kumi (10,000/=) ambalo limejengwa Katika Kijiji Cha Chiungutwa, Kata ya Chiungutwa -Masasi.

Amesema kupitia ziara ya hivi karibuni iliyofanywa na Mkuu wa Mkoa wa Mtwara mhe.Luteni Kanali Patrick Kenani Sawala ya kukagua na kutembelea miradi ya Maendeleo inayotekelezwa katika Halmashauri hiyo na ikitarajiwa kufikiwa na mbio za Mwenge wa uhuru ifikapo june 05/2024, ameonyesha kuridhishwa na utekelezaji wa ujenzi huo wa ghala la kuhifadhia Mazao ambalo linajengwa kupitia mapato ya ndani ya Halmashauri linalogharimu kiasi Cha Fedha shilingi bilioni 1.8

Amesema "pamoja na uwepo wa changamoto mbalimbali za utekelezaji katika mradi  ikiwemo shida ya umeme Lakini wote kwa ushirikiano wenu mliweza kuzitatua na hatmaye kuendelea na ujenzi  ambao kwasasa upo katika hatua za mwisho za umaliziaji na ni ghala kubwa la mfano ambalo litaweza kuingiza mapato makubwa Ndani ya Halmashauri hii kwakwelii hongereni sana".........alisema

Mhe.Kanoni ametoa pongezi hizo  Jana Tarehe 21/05/2024 katika mkutano wa baraza la Madiwani la kupokea taarifa za Shughuli za maendeleo Za kata, Pamoja na kujadili taarifa mbalimbali za Kamati.

Masasi DC...

Kazi iendeleeee!....