Idara ya Usafi na Mazingira iliundwa mwaka 2011 na Mheshimiwa Waziri Mkuu wa Jamhuri ya Muungano wa Tanzania na ambaye ndiye mwenye dhamana na serikali za mitaa. Idara iliundwa kwa ajili ya kushughulikia masuala ya usafi na mazingira katika halmashauri zote Tanzania.
Kwa upande wa Halmashauri ya Wilaya ya Masasi, idara hii imeanza kufanya kazi rasmi kuanzia Februari 2014 ikiwa na mtumishi mmoja tu hadi sasa.
2. Malengo ya Idara katika utoaji wa huduma
Malengo makuu ya idara ni pamoja na;
· Kuhakikisha jamii inakuwa na hali nzuri ya usafi wa mazingira kwa kutekeleza sheria, sera na miongozo mbali mbali ya afya na mazingira.
· Kuhakikisha shughuli zote za kijamii, kiuchumi, kitamaduni na kisiasa zinafanyika kwa kuzingatia utunzaji wa mazingira kwa ajili ya kizazi cha sasa na kizazi cha baadaye
3. Vitengo vilivyopo kwenye idara na majukumu yake
Ø Mazingira
Kitengo hiki kina majukumu ya;
· Kusimamia wa sera, sheria na miongozo ya masuala ya utunzaji wa mazingira
· Kutoa elimu na hamasa kwa jamii juu ya utunzaji wa mazingira
· Kufuatilia masuala ya utunzaji wa mazingira ikiwemo tathmini za athari kwa mazingira katika miradi mbalimbali ya maendeleo kama vile ujenzi wa barabara, nyumba, maabara, viwanda, umwagiliaji, uchimbaji wa madini n.k
Ø Usafi
Kitengo hiki kina majukumu ya;
· Kusimamia utekelezaji wa sera, sheria na miongozo inayohusu masuala ya afya na mazingira
· Kutoa elimu juu ya usafi wa mazingira katika maeneo yote kama vile kaya, taasisi zote za serikali na zisizo za kiserikali na sehemu mbalimbali kama vile masoko, magulio na sehemu za wazi.
· Kufuatilia milipuko ya magonjwa ya kuambukiza
4. Majukumu ya idara kwa ujumla
i. Kusimamia utekelezaji wa sera, sheria na miongozo mbalimbali inayohusu afya na mazingira
ii. Kupanga na kutekeleza mipango mbali mbali inayohusu usafi na mazingira
iii. Kufuatilia milipuko ya magonjwa ya kuambukiza
iv. Kufanya tafiti za kiepidemiologic na za mazingira na kutumia matokeo ili kuboresha huduma za kinga
v. Kushirikiana na taasisi nyingine katika maeneo yanayohusiana na afya na mazingira
vi. Kutoa ushauri wa kitaalam kwa halmashauri ili kuendeleza huduma za afya na mazingira
5. Aina ya huduma muhimu zinazotolewa kwa jamii mara kwa mara
· Elimu na hamasa juu ya usafi na utunzaji wa mazingira
· Ushauri juu ya masuala ya usafi na utunzaji wa mazingira
· Ushauri juu ya taratibu za tathmini ya athari kwa mazingira katika miradi mbalimbali inayotekelezwa kwa jamii
6. Miongozo na sera mbalimbali inayotumiwa na idara na vitengo katika kutekeleza majukumu ya kila siku
· Sheria ya Usimamizi wa Mazingira ya mwaka 2004
· Sera ya Mazingira ya mwaka 1997
· Sheria ya Afya ya Jamii ya mwaka 2009
· Waraka wa Maendeleo ya Utumishi Na 1 wa mwaka 2011 unaohusu Muundo wa maendeleo ya Utumishi wa kada chini ya ofisi ya Makamu wa Rais
· Sheria, sera na miongozo yote inayohusu utunzaji wa vyanzo vya maji, matumizi ya maji, ardhi, misitu na maliasili
· Sheria ya Madini ya mwaka 2010
· Sheria, sera na miongozo mbalimbali inayohusu Serikali za mitaa
